माप्य दुधकोशी गाउँपालिका वडा नम्बर २ ले गर्यो सार्वजनिक सुनुवाइ सम्पन्न

असार १०, सोलुखुम्बु ।  सोलुखुम्बुको माप्य दुधकोशी गाउँपालिका वडा नम्बर २ राप्छाको सार्वजनिक सुनुवाइ सम्पन्न भएको छ । रेडियो एभरेष्टको सहजिकरण तथा माप्य दुधकोशी गाउँपालिकाको आयोजनामा सम्पन्न भएको सार्वजनिक सुनुवाई शनिबार बासा खाली मा विमा सम्पन्न भएका हो ।

सम्पन्न सार्वजनिक सुनुवाइमा वडा अध्यक्ष चन्द्र बहादुर राईको सभापतित्व रहेको थियो भने वडाका सदस्यहरू, लगायत कर्मचारीहरू, शिक्षकहरु, अगुवा कृषकहरु, बुद्धिजिवी वर्ग तथा समाजसेवीहरुको उपस्थिति रहेको थियो । सार्वजनिक सुनुवाईमा वडा अध्यक्ष चन्द्र बहादुर राईले चालु आर्थिक वर्षमा वडाले सञ्चालन गरेका योजना तथा कार्यक्रमहरूको जानकारी गराउनुभएको थियो । वडाका सचिव कार्यक्रममा नभएका कारण सम्पूर्ण विवरण वडा अध्यक्ष राईले नै पेश गर्नु भएका् थियो ।

सार्वजनिक सुनुवाइका क्रममा कार्यक्रमका सभापति एवं वडा अध्यक्ष चन्द्र बहादुर राईले वडामा आएको बजेटलाई समुचित ढङ्गले बाँडफाँड गरि नागरिकलाई सेवा दिइएको बताउनुभएको थियो ।

उहाँले ग्रामीण भेगका वडाहरूमा विभिन्न समस्या रहेको उल्लेख गर्दै उक्त समस्याहरू समाधानका लागि वडाको बजेटले नभ्याउने र राज्यले सानो रकम वडामा पठाइँदिदा सबै मागहरू सम्बोधन गर्न नसकिएको स्वीकार गर्नुभएको थियो ।

सहभागीहरुको प्रश्न, गुनासो तथा सुझाव सबैको वडा अध्यक्षले सम्बोधन गर्नुभएको थियो ।