सोलुखुम्बुमा पत्रकारिता तालिम सुरु, प्रजिअ घिमिरेद्वारा उद्धघाटन

सोलुखुम्बु, असार १२ । सोलुखुम्बुमा सोलुखुम्बुमा पत्रकारिता तालिम सुरु भएको छ । आज विहिबारबाट ५ दिने निःशुल्क आधारभुत पत्रकारिता तालिम सुरु भएको हो । उक्त तालिमको सोलुखुम्बुका प्रमुख जिल्ला अधिकारी ९प्रजिअ० अनोज कुमार घिमिरेले व्यानर पढेर उद्धघाटन गर्नु भएको थियो । आधारभुत पत्रकारिता तालिममा २५ जनाले सहभागी जनाएका नेपाल पत्रकार महासंघ सोलुुखुम्बुका कोषाध्यक्ष अमृत थुलुङले जानकारी दिनुभयो ।

कार्यक्रमलाई सम्बोधन गर्दै उहाँले तालिम पश्चात सिकेको सिपलाई सदुपयोग गर्न सम्पूर्ण प्रशिक्षार्थीलाई अनुरोध गर्नु भएको थियो । राज्यको चौथो अंग पत्रकारितालाई भनिएको भए पनि पत्रकारिता मात्रै गरेर जिविकोपार्जन गर्न समस्या रहेको प्रजिअ घिमिरेले बताउनुभयो । यस्तै कार्यक्रमका सभापति नेपाल पत्रकार महासंघका सोलुखुम्बुका अध्यक्ष सुवास दर्नालले पत्रकारिता समाचार लेख्नु र पढ्नु मात्रै नभइ समाज परिवर्तनको आधारशिलाको रुप पत्रकारिता भएको बताउनुभयो ।

समुद्ध समाज निमार्ण गर्नका लागि पत्रकार जिम्मेवार हुनुपर्ने उहाँको भनाइ रहेको थियो । तालिम नेपाल पत्रकार महासंघ जिल्ला शाखा सोलुखुम्बुको आयोजना र आन्तरिक मामिला तथा कानुन मन्त्रालय कोशी प्रदेशको सहयोगमा सुरु गरिएको हो । तालिमको समापन आगामी १६ गते सोमबार गरिने छ