असार १८, काठमाण्डौ । प्रमुख प्रतिपक्षी दल नेकपा (माओवादी केन्द्र) का प्रवक्ता अग्निप्रसाद सापकोटाले सत्तारूढ गठबन्धनको आन्तरिक समिकरणमा गहिरो असन्तुष्टि चुलिँदै गएको दाबी गरेका छन् । उनले कांग्रेस नेतृत्वमा गहिरिँदो अन्तर्विरोधकै कारण प्रधानमन्त्री केपी शर्मा ओली नेतृत्वको सरकार लामो समय टिक्न नसक्ने जिकिर गरे ।
बुधबार माओवादी केन्द्रको केन्द्रीय कार्यालय पेरिसडाँडामा आयोजित पत्रकार सम्मेलनमा बोल्दै सापकोटाले नेपाली कांग्रेसको केन्द्रीय कार्यालय सानेपामा ‘उकुसमुकुस’ बढ्दै गएको टिप्पणी गरे । असार १६ देखि सानेपामा जारी नेपाली कांग्रेसको केन्द्रीय समिति बैठकमा पार्टी नेताहरूले एमालेसँगको गठबन्धनको औचित्यमाथि कडा प्रश्न उठाएका छन् । यही बहसको पृष्ठभूमिमा माओवादी केन्द्रले सत्ता गठबन्धनमा देखिएको असहमति अवसरको रूपमा उपयोग गर्न खोजेको आकलन गरिएको छ ।
Discussion about this post