असार १८, सोलुखुम्बु । अनेरास्ववियुका पूर्व जिल्ला अध्यक्ष सहित एमालेका विभिन्न तहका नेता तथा कार्यकर्ता काङ्ग्रेसमा प्रवेश गरेका छन् । नेकपा एकालेको भातृ संगठन अखिल नेपाल राष्ट्रिय स्वतन्त्र विद्यार्थी युनियन सोलुखुम्बुका अध्यक्ष लक्षुमान राई मङ्गलबार नेकपा एमाले परित्याग गरि काङ्ग्रेसमा प्रवेश गर्नुभएको हो ।
नवप्रवेशी हरु राई सहित सोताङ गाउँपालिका एमालेका उपसचिव लव कुमार राई, वडा समितिका उपाध्यक्ष दान बहादुर राई सहित सङ्गठित सदस्यहरू ल्हाक्पा डेन्डी शेर्पा,मानवीर राई, नविन राई, बल व. राई, राजकुमार राई, सरिता राई, दिल ब. राई, चिरन राई, नवीन राई नेकपा एमाले पार्टी परित्याग गरि नेपाली काँग्रेस पार्टी प्रवेश गर्नुभएको छ ।
नवप्रवेशीलाई नेपाली काङ्ग्रेसका महाधिवेशन प्रतिनिधि एवं सोताङ गाउँपालिका अध्यक्ष खिलराज बस्नेतले सदस्यता वितरण गर्दै स्वागत तथा सम्मान गर्नुभएको जनाइएको छ । बस्नेतसँगै उहाँहरूलाई नेपाली काँग्रेस प्रदेश प्रतिनिधि एवं सोताङ गाउँपालिका उपाध्यक्ष अन्जु नाछिरिङ, नेपाली काँग्रेस प्रदेश प्रतिनिधि एवं सोताङ गाउँपालिका कार्यपालिका सदस्य उत्तम नाछिरिङ, सोताङ गाउँपालिका पार्टी सचिव जीवन कोइराला लागयतले नेपाली काँग्रेसमा स्वागत गर्नुभएको थियो ।
Discussion about this post