असार १९, साेलुखुम्बु । खाेटाङकाे रावा बेसी गाउँपालिकाले गाउँपालिका भित्र रहेका २६ वटा सामुदायिक विद्यालयका २३४ जना शिक्षक तथा विद्यालय कर्मचारीलाई आवश्यक शैक्षिक सामग्री वितरण गरेको छ।
गाउँपालिकाले आयोजना गरेको विशेष कार्यक्रममा शिक्षकहरूलाई टिसर्ट, शिक्षक डायरी, शिक्षक परिचयपत्र साथै कक्षा १ देखि ३ सम्मका विद्यार्थीको सिकाइ उपलब्धि मूल्याङ्कन कार्यसञ्चिका वितरण गरिएको हो। कार्यक्रममा रावा बेसी गाउँपालिका उपाध्यक्ष कौशिला कुमारी गुरुङ, प्रमुख प्रशासकीय अधिकृत सरोज रेग्मी, शिक्षा युवा तथा खेलकुद शाखा प्रमुख युबराज बिष्ट लगायतका पदाधिकारीहरूको उपस्थिति रहेको थियो।
शाखा प्रमुख बिष्टका अनुसार, “शिक्षकहरूको पेशागत कार्यसञ्चालनमा सहजीकरण गर्ने उद्देश्यले सामग्री वितरण गरिएको हो। य
सले विद्यालयस्तरको शैक्षिक गुणस्तर अभिवृद्धिमा टेवा पुर्याउनेछ।” गाउँपालिकाले आगामी दिनमा थप कार्यक्रमहरू सञ्चालन गर्दै शिक्षकहरूको क्षमता अभिवृद्धिमा सहयोग पु-याउने योजना रहेको जनाएको छ।
Discussion about this post