सोलुखुम्बुका स्नोकर हाउसमा धुम्रपान र मध्यपानमा रोक

सोलुखुम्बु, असार २० । सोलुखुम्बुमा रहेका सबै स्नोकर हाउसमा अबदेखि धुम्रपान तथा मध्यपान गर्न पूर्ण रूपमा निषेध गरिएको छ । शुक्रबार सोलुखुम्बु स्नोकर संघ गठन गरिएसँगै उक्त निर्णय लिइएको हो । संघको अध्यक्षमा नवाङ शाङ्गे शेर्पा, सचिवमा कर्ना तामाङ र कोषाध्यक्षमा रश्मि श्रेष्ठ चयन भएका छन् । नयाँ कार्यसमितिमा कुल ११ जना सदस्य रहेका छन्, जसले जिल्लाभरका स्नोकर हाउसमा अनुशासन र मर्यादालाई प्राथमिकता दिने प्रतिबद्धता व्यक्त गरेका छन् ।

संघले युवाबीच बढ्दो लत र अस्वस्थ वातावरणको रोकथामका लागि यो निर्णय लिएको जनाएको छ । साथै, खेलकुद गतिविधिलाई स्वस्थ र मर्यादित ढंगले अगाडि बढाउने लक्ष्य राखिएको छ । स्थानीयवासी तथा खेलप्रेमीहरूले संघको यस कदमको स्वागत गर्दै युवालाई खेलतर्फ आकर्षित गर्न यो निर्णय सकारात्मक भएको प्रतिक्रिया दिएका छन् ।