नालि सरसफाईमा जिल्ला प्रशासन सोलुखुम्बुको सक्रियता

असार २२, सोलुखुम्बु । जिल्ला प्रशासन कार्यालय सोलुखुम्बुको अगुवाइमा सदरमुकाम सल्लेरी भित्रका नालिहरूको सरसफाई गरिएको छ । प्रमुख जिल्ला अधिकारी (प्रजिअ) अनोज कुमार घिमिरेको सक्रियतामा आइतबार सल्लेरी क्षेत्रको नालि सरसफाई गरिएको हो । बर्खायाममा नालिहरू अवरुद्ध हुँदा सडकमा पानी जम्ने समस्या देखिन थालेपछि तत्काल सरसफाईको आवश्यकता महसुस गरिएको प्रजिअ घिमिरेले बताउनुभयो ।

उहाँले वातावरण स्वच्छ राख्नका लागि सम्बन्धित सबै निकायहरूलाई आ–आफ्नो भूमिकामा सक्रिय बन्न आग्रह गर्नुभएको छ । सरसफाई कार्यक्रममा नेपाली सेना, नेपाल प्रहरी, सशस्त्र प्रहरी बलका सुरक्षाकर्मीहरूका साथै अनुसन्धान विभागको संयुक्त टोलीको पनि उल्लेखनीय उपस्थिति रहेको थियो ।

स्थानीयवासीले प्रशासनको यो पहललाई स्वागत गर्दै यस किसिमका सरसफाई कार्यक्रमलाई नियमित रूपमा सञ्चालन गर्नुपर्नेमा जोड दिएका छन् । यस सरसफाईले सल्लेरीको वातावरणीय स्वास्थ्यमा प्रत्यक्ष असर पार्ने अपेक्षा गरिएको छ ।