सिन्धुलीमा एक पुरुष मृत फेला

असार २५, सोलुखुम्बु । सिन्धुलीको कमलामाई नगरपालिका २ पौवागढीमा मंगलबार दिउँसो एक पुरुष मृत अवस्थामा फेला परेका छन् । बीपी राजमार्ग नजिक सडकबाट २५ फिट तल कमलामाई नगरपालिका ११ कुलोखोलाका ३२ वर्षीय प्रदिपराज थापा मृत अवस्थामा फेला परेको जिल्ला प्रहरी कार्यालय सिन्धुलीका प्रहरी प्रमुख लालध्वज सुवेदीले जानकारी दिनुभयो ।

गत असार १९ गते देखि हराएको भन्दै थापाका छिमेकी रमेश आलेमार्फत इलाका प्रहरी कार्यालय भिमानमा निवेदन दिएका थिए । त्यसपछि जिल्ला प्रहरी कार्यालय सिन्धुलीबाट खोजतलास भइरहेको थियो । प्रहरी चौकी गढीबाट खटिएको प्रहरी टोलीले घटना स्थल सुरक्षित राख्दै प्रारम्भिक अनुसन्धान अघि बढाएको छ ।