रावाबेशी गाउँपालिकामा किशोरी सञ्जाल गठन, प्रतिभा विकासमा जोड

असार २८, सोलुुखुम्बु । खोटाङको रावाबेशी गाउँपालिका र इको हिमाल नेपालको संयुक्त आयोजनामा पालिका स्तरीय किशोरी सञ्जाल गठन गरिएको छ । पालिकाका उपाध्यक्ष कौशिला गुरुङको संयोजकत्वमा १३ सदस्यीय कार्य समिति गठन गर्दै किशोरी सञ्जाललाई औपचारिक रुप दिइएको हो । सञ्जाल गठन कार्यक्रम रावाबेशी गाउँपालिका अध्यक्ष फटिक कुमार श्रेष्ठको अध्यक्षतामा सम्पन्न भयो ।  रावाबेशी गाउँपालिका र इको हिमाल नेपालको सहकार्यमा तयार पारिएको कार्ययोजना अनुरूप सञ्जाल गठन गरिएको सहकर्मी झलक राईले जानकारी दिनुभयो ।

कार्यक्रममा सहभागी संरक्षक शिक्षक, जनप्रतिनिधि र विद्यार्थीहरूबीच किशोरी सशक्तिकरणका विविध पक्षमा व्यापक छलफल र अन्तरक्रिया गरिएको थियो । छलफलका क्रममा विद्यालय स्तरमै विभिन्न प्रतिभा प्रदर्शन कार्यक्रमहरू आयोजना गर्ने सहमति पनि जुटेको छ । सहमति अनुसार आधारभूत विद्यालयमा हाजिरी जवाफ, वक्तृत्वकला, माध्यमिक विद्यालयमा मौलिक नाटक, गीत, कविता तथा वादविवाद कार्यक्रम सञ्चालन गरिनेछ।

यस्ता कार्यक्रममार्फत किशोरीहरूमा आत्मविश्वास, नेतृत्व क्षमता र सिर्जनात्मकता अभिवृद्धि गराउने लक्ष्य लिइएको छ । सञ्जालले आगामी दिनमा किशोरीहरूको समग्र विकासमा योगदान पु¥याउने विश्वास व्यक्त गरिएको छ ।