असार २९, सोलुखुम्बु । सोलुखुम्बुको नेचासल्यान गाउँपालिकाले चालु आर्थिक वर्ष २०८१/८२ मा कुल विनियोजित बजेटको ८३.२५ प्रतिशत खर्च गरेको छ । गाउँपालिकालाई चालु तथा पूँजीगत शिर्षकमा गरी कुल ४९ करोड १६ लाख ७९ हजार ४१३ रुपैयाँ बजेट विनियोजन गरिएको थियो ।
गाउँपालिकाका प्रमुख प्रशासकीय अधिकृत टंकनाथ घिमिरेका अनुसार, असार २५ गतेसम्मको लेखाजोखा अनुसार जम्मा ४० करोड ९३ लाख ३१ हजार ४६२ रुपैयाँ खर्च भइसकेको छ । चालु खर्च तर्फका लागि विनियोजित ३५ करोड ७९ लाख ५२ हजार रुपैयाँमध्ये ३० करोड ७२ लाख १५ हजार ३०१ रुपैयाँ खर्च भएको छ, जुन ८५.८२ प्रतिशत हो।
यस्तै, पूँजीगत तर्फ १३ करोड ३७ लाख २७ हजार ४१३ रुपैयाँ विनियोजनमा १० करोड २१ लाख १६ हजार १६१ रुपैयाँ खर्च गरिएको छ, जसले कुल पूँजीगत बजेटको ७६.३६ प्रतिशत ओगटेको छ । गाउँपालिकाले बजेटको उच्च कार्यान्वयन दर कायम राख्दै विकास र सेवा प्रवाहमा प्रभावकारिता देखाएको जनाएको छ ।
Discussion about this post