माप्य दुधकोशी–६ मा प्रारम्भिक बाल विकास समिति गठन

असार ३०, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर ६ मा प्रारम्भिक बाल विकास समिति गठन गरिएको छ । सोमबार सेतो लालिगुराँसको आयोजनामा एक कार्यक्रमकाबीच उक्त समिति गठन गरिएको हो । कार्यक्रम माप्य दुधकोशी–६ का कार्यवाहक वडा अध्यक्ष बर्ण बहादुर राईको अध्यक्षतामा सम्पन्न भएको थियो ।

बाल विकास सम्बन्धी प्रावधान अनुसार वडाध्यक्ष नै समितिको अध्यक्ष हुनुपर्ने व्यवस्था रहेको सहकर्मी देविप्रसाद घिमिरेले जानकारी दिनुभयो । समितिको अध्यक्षमा राम प्रसाद मगर चयन हुनुभएको छ । त्यस्तै, सदस्यहरुमा कमला नाछिरिङ, छविमाया नेपाली, कविता राई, पुष्पा कुमारी मगर, महल सिंह राई, मिन बहादुर कार्की, अन्जु बुढाथोकी र सरोज घिमिरे रहनुभएको छ । समिति गठनसँगै बालबालिकाको समग्र विकास र अधिकार सुनिश्चित गर्न थप प्रभावकारी पहल हुने विश्वास गरिएको छ ।