यत्राे गर्मीबढे सगैँ अब १० दिनमा पूर्वी क्षेत्रबाट मनसुन भित्रिने, अत्यधिक वर्षा हुने विज्ञको चेतावनी

जेठ १९, साेलुखुम्बु ।    नेपालमा आागमी १० दिनमा मनसुन भित्रिने भएको छ। नेपालको कोसी प्रदेशबाट अबको १० देखि १२ दिनभित्रमा मनसुन भित्रिने विज्ञहरुको अनुमान छ।मौसम पूर्वानुमान महाशाखाका अनुसार अबको १० दिनमा नेपालको कोशी प्रदेशबाट मनसुन भित्रिने र विकसित हुँदै सुदूरपश्चिमसम्म पुग्दा १५ देखि २० दिनसम्मको समय लाग्ने बताइएकाे छ ।यता विपद् पूर्वतयारीमा जुट्न नेपाल रेडक्रस सोसाइटीले ७७ वटै जिल्लाका निकायहरुलाई  निर्देशन दिएको बताएको छ। मनसुनबाट हुनसक्ने सम्भावित जोखिमलाई कम गर्न नेपाल रेडक्रस सोसाइटीले पूर्वतयारीको काम थाल्न ७७ वटै जिल्लाका निकायहरुलाई  निर्देशन दिएको नेपाल रेडक्रस सोसाइटीका कार्यकारी निर्देशक उमेश ढकालले जानकारी दिनुभयाे ।  उहाँले केही स्थानमा पूर्वसूचना प्रणालीका बारेमा पनि काम गरिरहेको जानकारी गराउँदै सबै निकाय र संघसंस्थाहरुले घटना हुन नदिन आवश्यक पहल गर्न आग्रह गरे। उनले विपद्जन्य घटना मात्रै नभइ अधिक गर्मी, स्वास्थ्यजन्य समस्याहरुमा पनि सबैले आवश्यक चासो देखाउन जरुरी रहेको बताउनुभएकाे छ ।

त्यस्तै, हिमाली जिल्ला साेलुखुम्बुमा नेपाल रेडक्रसको सोलुखुम्बु जिल्ला शाखाले पनि पूर्व तयारी गरिसकेकाे छ । शाखाकाे मातहतमा रहेका अन्य १६ शाखाहरू छन् । ति सबै शाखा सकृय भएर लागि परेकाे नेपाल रेडक्रस सोसाइटी जिल्ला शाखा सोलुखुम्बुका सभापतिमा रामकाजी श्रेष्ठले बताउनु भयाे ।  विपत जाेखिम तथा न्यूनिकरणका लागि शाखा तथा सबै उपशाखामा आपतकालीन आवश्यक सामग्री पुगिसकेकाे जिल्ला शाखा सोलुखुम्बुका काेषाध्यक्ष सुरेश खड्काले रेडियाे एभरेष्टलाई जानकारी दिनुभएकाे छ । उहाँका अनुसार सबै उपशाखामा सामग्रीसगैँ स्वयमसेवकहरू पनि तदरूकताका साथ खटेकाे र खट्ने प्रतिबद्धता व्यक्त गनुर्भयाे ।

विश्व रेडक्रस अभियानमा सहभागी हुने उद्देश्यका साथ नेपाल रेडक्रस सोसाइटी  स्थापना भएको थियो । नेपाल रेडक्रस सोसाइटी (नेरेसो) वि.सं. २०२० साल भाद्र १९ गते स्थापना भई हाल ६१ वर्ष पार गर्दै गर्दा मानवीय सेवामा
आफुलाई अब्वल बनाउँदै निरन्तर सेवा प्रदान गर्दै आएको छ ।