माप्यका रबिन तामाङ सम्पर्कविहीन : भेट्नेलाई सहयोगको अपील

असार ३१, सोलुम्बु । सोलुखुम्बुको माप्यदुधकोशी गाउँपालिका–५ काकु अंमरास निवासी २० वर्षीय रबिन तामाङ गत जेठ १३ गतेदेखि सम्पर्कविहीन भएका छन् । भारतमा केही समय रोजगारी गरेर हालै नेपाल फर्किएका तामाङ त्यसयता परिवारसँग सम्पर्कमा नरहेको उनका आफन्तहरूले बताएका छन् । रबिन, एकमान तामाङ र सर्कीमाया तामाङका माइला छोरा हुन् ।

भारतमा रहँदा परिवारसँग निरन्तर सम्पर्कमा रहेका उनी नेपाल फर्किएपछि अचानक सम्पर्कविहीन बनेका हुन् । परिवारजनका अनुसार उनको मोबाइल फोन स्वीच अफ रहेको छ, जसका कारण खोजीमा थप कठिनाइ भएको छ । तामाङको वर्ण गहुँगोरो, उचाइ करिब ५ फिट ९ इन्च रहेको छ । परिवार तथा स्थानीयवासीहरूले उहाँलाई देख्न वा भेट्नुभएका व्यक्तिहरूले नजिकको प्रहरी चौकी वा मोबाइल नम्बर ९८६३००६१५२ मा सम्पर्क गरी सहयोग गरिदिन अनुरोध गरेका छन् ।