असार ३१, सोलुखुम्बु । सोलुदुधकुण्ड नगरपालिका सोलुखुम्बुले ८८ करोड ४५ लाख बढीको बजेट पारित गरेको छ । नगरपालिकाको १६ औँ नगरसभाले ८८ करोड ४५ लाख ६० हजार रुपैयाँको बजेट पारित गरेको हो । गत असार १० गतेबाट सुरु भएको नगरसभा अधिवेशनको आज अन्त्य गर्दै नगरपालिकाका प्रमुख एवं नगरसभा अधिवेशनका अध्यक्ष नाम्गेल जाङ्बु शेर्पाले नगरसभा अधिवेशन मार्फत आगामी आर्थिक वर्ष २०८२/८३ का लागी बजेट पारित गरियोस भन्ने प्रस्ताव पेश गर्नुभएको थियो ।
उहाँले गर्नुभएको प्रस्ताव नगरसभाबाट सर्वसम्मतीले पारित भएको छ । नगरपालिकाले आर्थिक वर्षमा २०८२/८३ का लागी चालु तर्फ ४८ करोड ५९ लाख २० हजार र पुँजीगत तर्फ ३९ करोड ८६ लाख ४० हजार खर्च गर्ने गरि बजेट पारित गरेको हो । नगरपालिकाले आउने आर्थिक वर्षमा आर्थिक विकासका लागी २ करोड ४१ लाख ७५ हजार, सामाजिक विकासका लागी ४० करोड ८३ लाख ५९ हजार, पुर्वाधार विकास तर्फ २८ करोड ५४ लाख २५ हजार, शुसासन तथा अन्तरसम्बन्धित क्षेत्र तर्फ १ करोड ९६ लाख ३२ हजार र कार्यालय सञ्चालन तथा प्रशासनिक खर्च तर्फ १४ हरोड ५९ लाख ६९ हजार रुपैयाँ बजेट विनियोजन गरेको छ ।
नगरपालिकाले ल्याएको बजेटमा पूर्वाधार विकास, सहरी विकास, कृषि विकास खानेपानी जस्ता विषय प्राथमिकतामा राखिएकाे उपप्रमुख गान्धीमाया तामाङले बताउनुभयो । १६ औ नगरसभामा प्रमुख प्रशासकीय अधिकृत टुक्ती शेर्पा, नगरपालिकाका सबै वडाका अध्यक्ष, कार्यपालिका सदस्य तथा कर्मचारीहरुको उपस्थीति रहेको थियो ।
Discussion about this post