रास्वपा माप्य दुधकोशी गाउँपालिका ३ को प्रथम अधिवेशनबाट पर्व बहादुर कामी वडा सभापतिमा चयन

साउन ३, सोलुखुम्बु । राष्ट्रिय स्वतन्त्र पार्टी (रास्वपा) माप्य दुधकोशी गाउँपालिका वडा नं. ३ को प्रथम वडा अधिवेशन सफलतापूर्वक सम्पन्न भएको छ । अधिवेशनबाट पर्व बहादुर कामी वडा पार्टी कमिटीको सभापति चयन भएका छन् ।

वडा अधिवेशनले टिका कुमारी कार्कीलाई उप–सभापति र अर्जुन राई नयनलाई सचिवको जिम्मेवारी प्रदान गरेको छ । जिल्ला सभापति नारायणकाजी कार्कीले अधिवेशनको समापन सत्रमा नयाँ नेतृत्वको घोषणा गर्दै वडा तहबाट संगठन सुदृढ गर्दै लैजाने योजना सुनाउनुभयो । अधिवेशनमा पार्टीका विभिन्न तहका नेता तथा कार्यकर्ताहरूको उपस्थिति रहेको थियो । नयाँ नेतृत्व चयनसँगै स्थानीयस्तरमा पार्टी संगठन थप सक्रिय र प्रभावकारी हुने अपेक्षा गरिएको छ ।