आश कुवीरको घर बनाउन “द पार्टनर्स नेपाल” को एक लाख सहयोग 

साउन ३, सोलुखुम्बु । सोलुखुम्बुको महाकुलुङ गाउँपालिकाका विपन्न एक परिवारलाई घरमा छाना लगाउन १ लाख रुपैयाँ आर्थिक सहयोग प्राप्त भएको छ ।  गाउँपालिकाको वडा नम्बर १ का आश कुवीर राईको घरको छाना लगाउनका लागि द पाटनर्स नेपाल संस्थाले एक लाख रुपैयाँ बराबरको सहयोग प्रदान गरेको हो ।  

पुरानो चित्राको छानो, ढुंगा, माटो र काठले बनेको परम्परागत घरमा बस्दै आएका थिए आस कुवीरका घर गत २०७२ सालका भुकम्पले क्षतिग्रस्त बनेको थियो ।   आर्थिक अवस्था कमजोर भएका कारण घर सम्म बनाउन नसकेका राईको घर निर्माणका लागी कर्मी ज्याला र जस्तापाताका लागी संस्थाले सहयोग गरेको संवाददाता उद्धव कुलुङको भनाई छ ।

 राईलाई सुरक्षित बासको व्यवस्था गराउने उद्देश्यले संस्थाले ८८ हजार रुपैयाँ बराबरको जस्तापाता, किला काटी, ग्याबिन तार लगायतका सामग्री उपलब्ध गराएको हो छ भने  १२ हजार रुपैयाँ बराबरको कर्मी ज्याला समेत उपलब्ध गराइएको संस्थाका कोषाध्यक्ष भलाकाजी कुलुङले बताउनुभएको छ । सहयोग कार्यक्रम महाकुलुङ १ का वडा अध्यक्ष पर्खी धन राईको पहलमा सम्पन्न भएको हो । स्थानीय समुदायको आवास सुधारमा योगदान पु¥याउने उद्देश्यले संस्थाले विभिन्न समयमा आवश्यकता बमाेजिम सहयोग गर्दै आइरहेको छ ।