लिम्चुङबुङ जाँतेका सय बढी सेवाग्राहीलाई वडामै भत्ता वितरण ।  

साउन ६, सोलुखुम्बु । उदयपुर लिम्चुङबुङ गाउँपालिकाको वडा नम्बर ५ मा सामाजिक सुरक्षा भत्ता वितरण कार्यक्रम सम्पन्न भएको छ । गाउँपालिकाको सहयोग एवं नेपाल एसविआइ बैंक् शाखा कार्यालय बराहाको समन्वयमा गाउँपालिकाको वडा नम्बर ५ जाँतेका लाभग्राहीलाई सामाजिक सुरक्षा भत्ता वितरण सम्पन्न गरिएको हो । वडा कार्यालयमै गएर बैंक र पालिकाले १ सय ८ जना लाभग्राहीलाई भत्ता वितरण गरिएको जनाइएको हो ।  वडा कार्यालयको पहुँचमै रहेका नागरिकलाई वडाबाटै भत्ता वितरण गरिएकाे र वडा भन्दा बाहिर अन्यत्र बस्ने नागरिकलाई उदयपुरको बेल्टार शाखखा र लाहानबाट समेत भत्ता प्राप्त गर्न सक्ने व्यवस्था मिलाइको नेपाल एसबिआई बैङ्कका प्रबन्धक नगेन्द्र अधिकारीले बताउनुभयो ।  भत्ता वितरणका लागी वडा अध्यक्ष कविचन्द्र राईको अगुवाई रहेको र घण्टौ हिँडेर बैँक जानुपर्ने बाध्यतालाई बुझेर सरकारले कार्यालयमै भत्ता प्राप्तीकोलागी पहल गरेकोमा सेवाग्राही तिलक बहादुर कार्कीले खुसी व्यक्त गर्नुभयो ।