टेलीकमगेट— शिवमन्दिर १ सय मिटर बाटोको उद्‌घाटन रक्षामन्त्रीबाट, माथिल्लो सल्लेरीका नागरिकलाई राहत 

साउन ८, सोलुखुम्बु । सोलुखुम्बुको  जिल्ला सदरमुकाम स्थित तिनकुनेबाट शिव मन्दिर जाने सडकको औपचारिक उद्‌घाटन भएको छ ।  नेपाल सरकारका रक्षा मन्त्री मानविर राईले आज विहीबार एक औपचारिक कार्यक्रमका बीच उक्त सडकको उद्‌घाटन गर्नुभएको हो ।  २०५८ सालमा सल्लेरी आक्रमण पछि आर्मीको अधिग्रहणमा रहेको बाटो २४ वर्षपछि खुल्न सफल भएको हो  । आर्मीको अधिग्रहणमा रहेको जग्गा रक्षामन्त्री मानवीर राई लगायत नेपाल आर्मीको समन्वयमा आर्मीले दिने सहमती भएपछि सडक ट्रयाक ओपन गरि ढलान सहित गरेर आज उद्‌घाटन गरिएको छ ।

 टेलिकम गेट अगाढीबाट शिव मन्दिर सम्मको करिव १ सय ७ मिटर सडक निर्माणका लागी नेपाल सरकारबाट १ करोड रुपैयाँ बजेट प्राप्त भएको थियो । उक्त बजेटबाट नेपाल आर्मीले सडक ट्रयाक ओपन तथा ढलान गरेको हो । सडक बाटो नहुँदा सल्लेरी माथिल्लो क्षेत्र हिलसाइड बोर्डिङ क्षेत्र, कारागार क्षत्र, गुम्बा क्षेत्र, च्याल्सा, लगायत थातिङका नागरिकलाई सहज भएको छ ।  

उक्त सडक उद्घाटनका लागी रक्षा मन्त्री मानवीर राई सहित राष्ट्रिय सभा सदस्य सोनाम ग्याल्जेन शर्पा,  नेपाली सेनाका प्रधानसेनापती लगायतका उच्च पदस्थ व्यक्ती नेपाली सेनाको हेलिकप्टर मार्फत सोलुखुम्बु आउनुभएको थियो । कार्यक्रममा प्रदेश सांसद बुद्धिकुमार राजभण्डमारी, साेलुदुधकुण्ड नगरपालिकाका उपमेयर गान्धीमाया तामाङ, प्रमुख जिल्ला अधिकारी अनोज कुमार घिमिरे सहितका व्यक्तीहको उपस्थीति रहेको थियो ।