साउन ९, सोलुखुम्बु । नेपाल बैंकर्स एसाेसिएसन सोलुखुम्बुको अध्यक्षमा चुडाराज सुवेदी चयन हुनुभएको छ । शुक्रबार सदरमुकाम सल्लेरीमा शुक्रबार नवगठित जिल्ला समिती सुवेदीलाई सर्वसम्मत अध्यक्षमा चयन गरेको हो । जिल्लास्थित बैंक तथा वित्तिय संस्था, लघुवित्त तथा इन्स्योरेन्स कम्पनीका कर्मचारी सङ्गठित नेपाल बैंकर्स एसाेसिएसन सोलुखुम्बुको वरिष्ठ उपाध्यक्षमा अमन बोगटी, उपाध्यक्षमा द्वय विमल राइ, द्रोण बास्तोला, सचिवमा रविन श्रेष्ठ, कोषाध्यक्षमा शारादामाया तामाङ, सहसचिवमा भोजराज ढकाल चयन हुनुभएको छ ।
यस्तै सदस्यहरुमा शोभित पोखरेल, विश्वनाथ राई, दिनेश ढकाल, जिबन चौधरी, हिरामाया तामाङ, प्रेम बहादुर लामिछाने, मन कुमारी बास्तोला र मिङमार गेल्बु शेर्पा चयन हुनुभएको छ । यस्तै एसाेसिएसनकाे सल्लाहकार समितिको संयोजकमा सुमन चापागाँइ चयन हुनुभएको छ भने सदस्यहरुमा गोपाल धमला, छत्रकुमारी लिम्बु र सुरज श्रेष्ठ चयन हुनुभएको छ ।
अधिवेशनबाट गठित नयाँ समितिले जिल्ला स्थित वित्तिय संस्थासँग सम्बन्धित समस्याहरू हल गर्न नितिगत तहसँग समन्वय गर्नुका साथै सामाजिक उत्तरदायित्वका कामहरू गर्ने नवनिर्वाचित अध्यक्ष सुवेदीले बताउनुभयो । अधिवेशनमा ५० भन्दा माथी सहभागी रहेको नब गठित संस्थाका सचिव रबिन श्रेष्ठले जानकारी गराउनु भयो ।
Discussion about this post