खोटाङ फेरी पूर्वकाे कर्णाली युगमा प्रवेश, फोक्सिङ्टारमा घिर्नि जडान

साउन ९, सोलुखुम्बु ।  खोटाङ्ग र उदयपुरको सिमानामा रहेको फोक्सिङ्टारमा घिर्नी जडान गरेर सामान तार्न थालिएको छ ।  गत असोज १० देखी १३ गते सम्म आएको अविरल वर्षात पछि सुनकोशीको बाढीले फोक्सिङ्टारको मोटरवेल पुल बगाएपछि सामान तार्न घिर्नी जडान गरिएको हो । पुल बताएपश्चात् केही समयका लागी जडान गरिएको क बेलिब्रिज वर्षात लागेसँगै लिकाल्नुपरेपछि विकल्पमा पछिल्लो समय घिर्नी जडान गरेर सामान तार्न थालिएको छ ।

 तर उक्त घिर्नी सार्वजनिक सेवाका लागी भने जडान गरिएको हैन । उक्त घिर्नी विशेषगरी खोटाङमा सञ्चालन भइरहेको रसुवा–पानधारे कालोपत्रे सडक आयोजनाका लागि सामान ढुवानी गर्न सुनकोशीको फोक्सिङ्टारमा घिर्नी जडान गरिएको निर्माण व्यवसायी महेश रेग्मीले जानकारी दिनुभयो ।  रसुवा–पानधारे सडक अन्तर्गत रसुवा–सिमपानी १५ किलोमिटर सडक कालोपत्रेको काम भइरहेको छ । यद्यपी आवश्यकताका आधारमा दैनिक उपभोग्य सामान पनि तार्न सकिने रेग्मीले बताउनुभयो ।  निर्माण व्यावसायी रेग्मीका अनुसार घिर्नी जडान गरेर साउन ८ गतेबाट परीक्षण गरिएको छ ।

इटहरीबाट ल्याएर प्राविधिकहरुले परीक्षण गरेर सञ्चालनको लागि अरुलाई प्रशिक्षण दिइरहेका छन् । केही दिनमा घिर्नी पूर्णरुपमा सञ्चालनमा आउने रेग्मीको भनाइ छ । खोटाङको खोटेहाङ गाउँपालिका –९ लिच्कीराम्चे र उदयपुरको रौतामाई गाउँपालिका –५ आँपटार जोड्ने फोक्सिन्टारको १२० मिटर लामो ‘आर्क’ डिजाइनको मोटरेबल पुल गत असोज १२ गते सुनकोशीमा आएको बाढीले बगाएको थियो ।

गाईघाट–दिक्तेल सगरमाथा राजमार्ग (१०१ किलोमिटर) अन्तर्गत फोक्सिङटारमा बनेको पुल बगाएपछि पुस २७ गते अस्थायी बेलिब्रिज राखिएको थियो ।  कोशीमा पानीको बहाब बढेपछि जेठ ५ गतेबाट पूर्णरुपमा सवारीसाधन वारपारमा रोक लगाएर बेलिब्रिज झिकिएको थियो । गाईघाट–दिक्तेल सगरमाथा राजमार्गमा पर्ने दिक्तेल–फोक्सिङटार–गाईघाट सडक पूर्वी शहर जाने र आउने छोटो दूरीको बाटो हो ।

REF-गाे.प