इलाका प्रशासन कार्यालय सोताङ प्रमुखको जिम्मेवारी नइन्द्र बस्नेतलाई 

साउन ९, सोलुखुम्बु । इलाका प्रशासन कार्यालय सोताङको प्रमुखमा नइन्द्र बस्नेत नियुक्त हुनुभएकाे छ ।  सोलुखुम्बुको कोशी पारिका २ पालिकाका नागरिकलाइ सेवा दिने गरि स्थापना भएको इलाका प्रशासन कार्यालय सोताङको जिम्मेवारी बस्नेतलाई प्रदान गरिएको हो ।  विगत लामो समयदेखि सोही कार्यालयमा कार्यरत बस्नेतलाई कार्यालय प्रमुखको जिम्मेवारी प्रदान गरिएको छ ।

 दुर्गम र सुदूर भूगोलका कारण इलाका प्रशासन कार्यालय सोताङमा सरुवा भएर आउने प्रमुखहरू धेरै नबस्ने हुँदा नागरिकलाई समस्या भएको थियो ।  नियमित प्रशासनिक कामहरूका लागी पनि नागरिकले प्रमुख नहुँदा जिल्ला प्रशासन कार्यालय धाउनुपर्ने अवस्थाको अन्त्य गर्न गृह मन्त्रालयले बस्नेतलाई प्रमुखको जिम्मेवारी हस्तान्तरण गरेको जनाइएको छ । जिल्ला सदरमुकामबाट निकै टाढा रहेका यि २ पालिकाका नागरिकले जिल्ला सदरमुकाम आएर सेवा लिएर जानुपर्ने बाध्यताबाट अव मुक्ति पाउने भएका छन् ।

कार्यालय प्रमुखमा बस्नेत नियुक्त भएपछि यि २ पालिकाका नागरिकले सहज, स्थिर र प्रभावकारी सेवा पाउने अपेक्षा गरेको सहकर्मी झलक कुलुङले बताउनुभयो ।  नासु पदमा ५ वर्षे पुरा भएपछि का मु शाखा अधिकृतको रुपमा काम गर्ने अधिकार दिन सकिने भएकाले उहाँलाई कार्यालय प्रमुखको जिम्मेवारी दिइएको जिल्ला प्रशासन कार्यालय सोलुखुम्बुका प्रमुख सीडीओ अनोज कुमार घिमिरेले बताउनुभयो । यस अघिका इलाका प्रशासन प्रमुख नरेन्द्र श्रेष्ठ सिमा प्रशासन कार्यालय नाम्चे सरुवा हुनुभएको छ ।