थु्लुङ दुधकोशी ः एकिकृत सेवा शिविरको पहिलो दिन ३ सय बढी थुलु्ङबासीले लिए सेवा

साउन १०, साेलुखुम्बु । सोलुखुम्बुको थुलुङ दुधकोशी गाउँपालिकाले काठमाण्डौमा आयोजना गरेको एकिकृत शेवा शिविरको पहिलो दिन २ सय भन्दा बढी नागरिकले पञ्जिकरण सेवा लिएका छन् । भने १७३ जनालाई राष्ट्रिय परिचयपत्र वितरण गरिएको छ । शनिबारबाट थुलुङ दुधकोशी गाउँपालिकाले काठमाण्डौंमा सञ्चालन गरेको एकिकृत सेवा प्रवाह शिविर मार्फत काठमाण्डौमा हुने थुलुङबासी नागरिकले धमाधम सवा लिइरहेका छन् ।

पालिकाका अनुसार अनुसार वडा नम्बर १ नेलेका ९ जनाले सामाजिक सुरक्षा भत्ता नविकरण, २ जनाले जन्मदर्ता, १ जनाले नाता प्रमाणित र ३ जनाले मालपोतको सेवा लिएका छन् । वडा नम्बर २ कागेलका १५ जनाले सामाजिक सुरक्षा भत्ता नविकरण, १ जोडीलेले विवाह दर्ता र ७ जनाले मालपोतको सेवा लिँदा वडा नम्बर ३ पन्चन १४ जनाले सामाजिक सुरक्षा भत्ता नविकरण र १ जनाले सिफारिस लिएका छन् ।

यस्तै वडा नम्बर ४ जुबुका १३ जनाले सामाजिक सुरक्षा नविकरण, वडा नम्बर ५ जुबुका ११ जनाको सामाजिक सुरक्षा भत्ता नविकरण र १ ले अन्य सिफारिस लिएका प्रवक्ता कार्कीले बताउनुभयो । वडा नम्बर–६, मुक्ली ९ जनाले सामाजिक सुरक्षा भत्ता नविकरण, २ जोडिलेले विवाह दर्ता, ३ जनाले जन्मदर्ता र १ जनाले मृत्युदर्ता गराएका छन् । यसै गरी वडा नम्बर ७ देउसाका १७ जनाले सामाजिक सुरक्षा भत्ता नविकरण, ६ जनाले जन्मदर्ता, १ जनाले विवाह दर्ता, १३ जनाले मालपोतको र ३ जनाले अन्य सिफारिस लिएका छन् ।

वडा नम्बर ८ देउसाका २७ जनाले सामाजिक सुरक्षा भत्ता नविकरण,३ जनाले मालपोत, २ जोडिले विवाहदर्ता र ३ जनाले जन्मदर्ता लिँदा वडा नम्बर–९ लोखीमका १६ जनाले सामाजिक सुरक्षा भत्ता नविकरण, १० जनाले मालपोत, ३ जनाले जन्मदर्ता, १ जनाले बसाइँसराइ र ७ वटा अन्य सिफारिस लिएको पालिका प्रवक्ता भोजराज कार्कीले बताउनुभयो ।