सोलुदुधकुण्डको एकिकृत सेवा शिविर काठमाण्डौमा सुरु , मेयर शेर्पाद्धारा उद्घाटन

साउन ११, सोलुखुम्बु । सोलुदुधकुण्ड नगरपलिकाको एकिकृत सेवा शिविर काठमाण्डौमा सुरु भएको छ । काठमाण्डौ रामहिटी स्थीत रामनगर पार्टी प्यालेसमा नगर प्रमुख नाम्गेल जाङबु शेर्पाको प्रमुख आतिथ्यतामा आजबाट शेवा सिविर सुरु भएको हो । ११ वटा वडा रहेको नगरपालिकाले काठमाण्डौमा बसोबास गर्दै आइरकेका नगरबासीको सहजताका लागी काठमाण्डौमै पुगेर सेवा दिएको हो ।

सेवा शिविरको उद्घाटनमा ११ वटै वडाका अध्यक्षहरु, कर्मचारी तथा नगरबासीको उपस्थीति रहेको थियो । कार्यक्रममा नगरप्रमुख नाम्गेल जाङबु शेर्पाले नगरपालिकाले विकासको सन्दर्भमा विभिन्न कामगरेको बताउँदै सेवा प्रबाह र शुसासनमा नगरपालिकाले निकै काम गरेको उल्लेख गर्नुभएको थियो । आज बाट १३ गते सम्म सञ्चलन हुने शेवा शिविमा १ हजारको हाराहारीमा नागरिकले सेवा लिने नगरपालिकाले आँकलन गरेको छ ।

शिविरमा राष्ट्रिय परिचयपत्र वितरण, सामाजिक सुरक्षा भत्ता नवीकरण, मालपोत तथा भुमिकर, सम्बन्धी सेवा,जन्म, मृत्यु, नाता प्रमाणिकरण, बसाइँसराइ तथा अन्य पञ्जीकरणसम्बन्धी सेवा प्रदान गरिने जनाइएको छ । जिल्लाका अधिकांस स्थानीय तहहरुले काठमाण्डौमै गएर केही दिनने सेवा शिविर सञ्चालन गरिरहेका छन् । जिल्लाको थुलुङ दुधकोशी गाउँपालिकाले शनिबारबाट सुरु गरेको थियो भने नेचासल्यान गाउँपालिकाले पनि १३ गतेबाट सेवा शिविरको आयोजना गर्दै छ ।