सोलुखुम्बुमा शेर्पाहरुको मुख्य बाजा टुङ्नाको प्रशिक्षण सम्पन्न 

जेठ १९, सोलुखुम्बु ।  सोलुखुम्बुमा शेर्पा समुदायको मुख्य बाजा टुङना सम्बन्धी २ महिने प्रशिक्षण कार्यक्रम सम्पन्न भएको छ ।  गत चैत्रबाट १९ गतेबाट सुरु भएको टुङना प्रशिक्षण कार्यक्रम शनिवार समापन भएको हो । शेर्पा समुदायको मुख्य बाजा टुङ्नाको बारेमा पछिल्लो पुस्ता जानकार नहुनु र यसप्रतिको चासो घट्दै जादा लोप हुने खतरा बढेको भन्दै नेपाल शेर्पा संघ सोलुखुम्बुले प्रशिक्षण कार्यक्रम नै आयोजना गरि यस सम्बन्धी जानकारी गराएको शेर्पा सञ्चार संघ सोलुखुम्बुका अध्यक्ष पासाङ दोर्जी शेर्पाले बताउनुभयो ।

यो २ महिनामा सोलुदुधकुण्ड नगरपालिकाका १६ जनालाई टुङ्नाको महत्व लगायत अन्य विभिन्न विषयमा जानकारी गराइएको उहाँले बताउनुभयो । उनीहरूलाई ५ सय रुपैयाँ प्रवेश शुल्क निर्धारण गरि प्रशिक्षणमा सहभागि गराइएको हो । सांस्कृतिक बाजा टुङ्नाको बारेमा पछिल्लो पुस्ताले ध्यान नदिँदा आउने पुस्ताले बिर्सन सक्ने भएकाले प्रशिक्षण कार्यक्रममा टुङ्ना विशेषज्ञबाट यसबारेमा जानकारी गराइएको हो ।

यो पटक नगरपालिकामा मात्रै प्रशिक्षण कार्यक्रमको आयोजना गरेको संघले जिल्ला भरिनै टुङ्ना सम्बन्धी प्रशिक्षणको आयोजना गर्ने जनाएको छ ।