माप्य दुधकोशीगाउँपालिकाले काठमाण्डौमा सेवा शिविर आयोजना गर्ने

साउन १६, सोलुखुम्बु । सोलुखुम्बुको माप्य दुधकोशी गाउँपालिकाले पनि काठमाण्डौमा सेवा शिविरको आयोजना भएको छ । गाउँपालिकाले आगामी साउन २६ र २७ गते २ दिन काठमाण्डौ स्थित नवदुर्गा पाटी प्यालेसमा सेवा शिविर आयोजना गर्ने भएको गाउँपालिकाका प्रमुख प्रशासकीय अधिकृत गजेन्द्र भट्टराइले बताउनुभयो । गाउँपालिका स्थायी बसोवासभई काठमाण्डौमा विभिन्न पेशा व्यवसाय तथा अन्य काम गरेर बसिरहेका नागरिकको सेवाका लागी सरकार उनिहरुकै बासोबासस्थल सम्म पुग्न लागेको अध्यक्ष बुद्धिकिरण राईले बताउनुभयो । वडा कार्यलयबाट प्रबाह गरिने सेवा लिनको लागी लामो यात्रा गरेर पालिका आउनुपर्ने बाध्यतालाई चिर्न गाउँपालिकाको यो सिविरले मद्धत गर्ने उपाध्यक्ष गौरव राईको भनाई छ । पालिकाले आयोजना गर्ने शिविरमा जिल्ला प्रशासन कार्यालयबाट वितरणका लागी आउका राष्ट्रिय परिचयपत्र वितरण, सामाजिक सुरक्षा भत्ता नविकरण तथा दर्ता, मालपोत भूमिकर संकलन , पञ्जीकरण तथा घटना दर्ता सम्बन्धी सेवा हरु, वडा कार्यालयबाट प्रबाहहुने अन्य सेवाहरु काठमाण्डौमै प्रबाह गरिने प्रमुख प्रशासकीय अधिकृत भट्टराईको भनाई छ । यस अघि जिल्लाको सोलुदुधकुण्ड र थुलुङ दुधकोशीले सृवा शिविर सम्पन्न गरिसकेका छन् भने नेचासल्यान, लिखुपिके, महाकुलुङ, सोताङ, खुम्बु पासाङल्हामु गाउँपालिका सहितका पालिकाहरुले पनि आसपासका मितिहरुमा शिविरको आयोजना गर्दै छन ।