जवरजस्ती करणी गरि फरार रास्वपा लिखुिपकेका सभापति बस्नेत काठमाण्डौबाट पक्राउ

साउन २१, सोलुखुम्बु । सोलुखुम्बुको लिखुपिके गाउँपालिका वडा नं. २ पोखरी निवासी ४५ वर्षीय रामचन्द्र बस्नेतलाई फरक क्षमता भएकी महिलामाथि जबर्जस्ती करणी गरेको अभियोगमा प्रहरीले पक्राउ गरेको छ । गत साउन ६ गते दिउँसो ५ बजे, फरक क्षमता भएकी एक महिलामाथि जबर्जस्ती करणी गरी फरार रहेका बस्नेतलाई २०८२ साउन १९ गते दिउँसो १२ बजे काठमाडौं महानगरपालिका वडा नं. १६ स्थित बनस्थलीबाट पक्राउ गरिएको जिल्ला प्रहरी कार्यालय सोलुखुम्बुका प्रहरी निरीक्षक एवं सूचना अधिकारी विकास राईले जानकारी दिनुभयो ।

गत साउनमा घटनापछि फरार रहेका बस्नेतलाई पक्राउ गरी आज (बुधबार) जिल्ला अदालत सोलुखुम्बुबाट सात दिनको म्याद लिइ थप अनुसन्धान भइरहेको प्रहरीले जनाएको छ । प्रहरी अनुसन्धानका क्रममा बस्नेत राष्ट्रिय स्वतन्त्र पार्टी (रास्वपा) लिखुपिके गाउँपालिकाका सभापति समेत रहेको खुल्न आएको छ । यस सम्बन्धमा थप अनुसन्धान जारी रहेको प्रहरीले जनाएको छ ।