मध्यपहाडी लोकमार्गको च्यास्मिटार – डिकुवा सडकखण्ड अवरुद्ध 

साउन २६, सोलुखुम्बु । पहिरोले मध्यपाहाडी लोकमार्ग अवरुद्ध बनेको छ ।  सोमबार बिहान देखी परेको अविरल वर्षातका कारण खोटाङको हलेसी तुवाचुङ नगरपालिका वडा नम्बर ३ च्यास्मिटार स्थित मध्यपहाडी लोकमार्गको १० मिटर भाग पहिरोले पुरिँदा सडक अवरुद्ध भएको जनाइएको छ ।  सडक माथिबाट खसेको पहिरोले लोकमार्गको १० मिटर सडक खण्ड पुरेको छ भने च्यास्मीटारबाट दाम्ली डिकुवा जाने २० मिटर भित्री सडक समेत अवरुद्ध गराएको जिल्ला प्रहरी कार्यालय खोटाङ्ग जनाएको छ ।  सडक अवरुद्ध हुँदा हलेसी  जाने र फर्किने तीर्थयात्री बीचबाटोमै रोकिएका छन ।  पहिरो खुलाउनका लागी प्रहरी तथा स्थानीय सरकारको संयन्त्र लागी परिरहेको र केही समयमा खुल्ने जनाइएको छ ।