साउन २७, सोलुखुम्बु । उदयपुरमा १६ वर्षीया एक बालिकामाथि यौन दुरुपयोग गरेको आरोपमा एक युवक पक्राउ परेका छन् । पक्राउ पर्नेमा त्रियुगा नगरपालिका–११ साकेला टोलका २२ वर्षीय सागर परियार हुन् ।
जिल्ला प्रहरी कार्यालय उदयपुरका अनुसार साउन २२ गते दिउँसो करिब २ बजेतिर बालिकामाथि यौन दुरुपयोग भएको उजुरी परेपछि परियारको खोजतलास सुरु गरिएको थियो । प्रहरीको सक्रियतामा साउन २५ गते उनी आफ्नै घरबाट नियन्त्रणमा लिइएका हुन् ।
हाल परियारमाथि उदयपुर जिल्ला अदालतबाट म्याद थप अनुमति लिई अनुसन्धान भइरहेको प्रहरीले जनाएको छ । प्रहरीले बाल यौन दुव्र्यवहारसम्बन्धी मुद्दामा कानुनी प्रक्रिया अघि बढाइने जनाएको छ ।
Discussion about this post