धरहरा टपरी मममा धातुको औँठी भेटिएपछि २ लाख रुपैयाँ जरीवाना

साउन २९, सोलुखुम्बु । मममा धातुको औँठी भेटिएपछि काठमाण्डौ महानगरपालिकाले सुन्धारामा रहेको धरहरा टपरी ममलाई दुई लाख रुपैयाँ जरीवाना तोकेको छ । खाद्य स्वच्छता उल्लङ्घन गरेको पाइएपछि जरीवाना तोकेको महानगरले जनाएको छ ।

महानगरपालिकाको कृषि तथा खाद्य विभागका प्रमुख एवम् निरीक्षण अधिकारी नुरनिधि न्यौपानेले धरहरा टपरी ममले पटक–पटक महानगरको निर्देशन उल्लङ्घन गर्दै खाद्य स्वच्छता र गुणस्तर कायम नगरेको पाइएको बताउनुभयो ।

महानगरले व्यवसाय सञ्चालकलाई जरीवाना रकम ७ दिनभित्र बैंकमार्फत जम्मा गरी त्यसकोे जानकारीसहित कार्यालयमा उपस्थित हुन निर्देशन दिएको छ । साथै आउँदा दिनमा खाद्य स्वच्छता र मापदण्ड पूरा हुने गरी उत्पादन र बिक्री–वितरण व्यवस्था मिलाउन पनि व्यवसायीलाई निर्देशन दिइएको छ । समाचार लेख