महाकुलुङमा पर्यटकीय पद चिन्ह राखियो

साउन २९, सोलुखुम्बु । महाकुलुङ गाउँपालिकाका विभिन्न प्रसिद्ध पर्यटकीय क्षेत्रहरु संकेत गर्ने पद चिन्ह राखिएको छ । द ग्रेट हिमालय ट्रेलप्रोजेक्टको सहयोगमा पहाडी विकास तथा संरक्षण समूह नेपालले महाकुलुङ गाउँपालिकाका प्रमुख पर्यटकीय स्थलहरूमा पद चिन्ह राखिएको हो । पाँच पोखरी, साल्पा सिलुछो, कुलुपोंखो, घ्याङ्खर्क लगायतका स्थानमा पद चिन्ह राखिएको पहाडी विकासले जनाएको छ । नयाँ पर्यटकलाई मार्ग पहिचान गर्न सहज बनाउन यो कार्य गरिएको हो । पद चिन्हमा त्यस स्थानको उचाई तथा एक स्थानबाट अर्को स्थानमा लाग्ने दुरी (किलोमिटरमा) समेत उल्लेख गरिएको छ । समूहका अनुसार पद चिन्ह निर्माणले स्थानीय पर्यटन प्रवद्र्धनमा मद्दत गर्ने र यात्रुहरूको सुरक्षा तथा सुविधामा सकारात्मक प्रभाव पार्ने अपेक्षा गरिएको पहाडी विकासको टुरिजम प्रोग्राम कोअर्डिनेटर उद्धव कुलुङले जनाएको छ ।