साउन ३०, सोलुखुम्बु । सोलुखुम्बुको सोलुदुधकुण्ड नगरपालिका अन्तर्गत वडा नं. ११ तिङ्ला र वडा नं. ८ केरुङमा राष्ट्रिय परिचयपत्र वितरण सेवा सम्पन्न गरिएको छ । जिल्ला प्रशासन कार्यालयको समन्वयमा साउन २५ देखि ३० गतेसम्म विशेष वितरण कार्यक्रम सञ्चालन गरी वडास्तरीय दर्ता शिविरमार्फत नागरिकलाई परिचयपत्र वितरण गरिएको हो ।
नगरपालिकाको पञ्जिकरण शाखाका अनुसार, सेवा अवधिमा वडा नं. ११ तिङ्लाका १,०८५ जना र वडा नं. ८ केरुङका ८३२ जना नागरिकले राष्ट्रिय परिचयपत्र प्राप्त गरेका छन् । दुवै वडामा गरी जम्मा १,९१७ वटा परिचयपत्र वितरण गरिएको नगरपालिकाले जनाएको छ ।
स्थानीय सरकारको सक्रियतामा संचालन गरिएको सो कार्यक्रमबाट नागरिकहरूलाई समयमै राष्ट्रिय परिचयपत्र प्राप्त गर्न सहज भएको छ । नगर प्रवक्ता फुर्वा ग्याल्जेन शेर्पाले स्थानीय तह नागरिक सेवामा निरन्तर क्रियाशील रहेको बताउनुभयो ।
Discussion about this post