कोही गगन काङ्ग्रेस, कोही शेर बहादुर काङ्ग्रेस त कोही शेखर काङ्ग्रेस भए ः नेता कार्की 

साउन ३०, सोलुखुम्बु । नेपाली काङ्ग्रेस सोलुखुम्बुका नेता तथा महाधिवेशन प्रतिनिधि प्रकाशसिंह कार्कीले काङ्ग्रेसले काङ्ग्रेसलाई हराउने र जिताउने खेलमा लागेर गल्ती गरिएको बताउनुभएको छ । आज काठमाण्डौको नवदुर्गा पार्टी भेन्युमा आयोजित  नेपाली काङ्ग्रेस भित्रको अपरिहार्यता, सहमती, सहकार्य र एकता आजको आवश्यकता विषयक कार्यक्रममा बोल्ने क्रममा नेता कार्कीले यस्तो बताउनुभएको हो ।  उहाँले सच्चा काङ्ग्रेसीहरूलाई यो कार्यक्रममा सहभागिता जनाएको बताउँदै फेसबुकमा रोइलो गरेर लेखेर मात्रै काङ्ग्रेस भएको पुष्टि नहुने पनि उल्लेख गर्नुभयो ।

उहाँले अव गल्ती सुधार्दै नागरिकका कुरा सुन्ने र समस्यालाई समाधानका लागी लाग्न तयार रहेको पनि उद्घोष गर्नुभयो ।  उहाँले वर्षात पछि नेताहरू काठमाण्डाैमा चुप लागेर नबस्ने भन्दै नेताहरूलाई जिल्ला गाउँ र टोल जान पनि आह्वन गर्नुभयो ।  उहाँले केन्द्रिय नेताहरूका कारण जिल्लामा गएर काङ्ग्रेस हुँ भन्न सक्ने वातावरण बनेको उल्लेख गर्नुभयो ।  उहाँले कोही शेरबहादुर काङ्ग्रेस, कोही शेखर काङ्ग्रेस, कोही गगन काङ्ग्रेस भएकाले यो सुधार्नुपर्ने तर्फ इङ्गित गर्नुभयो ।  कार्यक्रम थुलुङ दुधकोसी गाउँपालिका वडा नम्बर १ का अध्यक्ष तथा जिल्लाका पार्टी उपसभापति घनराज सुनुवारको अध्यक्षता तथा काङ्ग्रेस नेता शेखर कोइरालाको प्रमुख आतिथ्यतामा भएको थियो ।