ओखलढुङ्गामा चट्याङबाट एक पुरुषको मृत्यु, अन्य ३ जना घाइते

साउन ३१, साेलुखुम्बु । ओखलढुंगामा एक जनाको चट्याङ लागेर ज्यान गएको छ । जिल्लाको मोलुङ गाउँपालिका–४ माझखर्कमा चट्याङ लागेर एक जना४० वर्षीय पुरूषको ज्यान गएको हाे । तीन जना घाइते भएका छन् । शनिबार अपरान्ह वर्षासँगै परेको चट्याङ लाग्दा ४० वर्षीय वीरबहादुर तामाङको मृत्यु भएको हो । सोही घटनामा भीषण तामाङ सहित अन्य दुई जना घाइते भएको मोलुङ–४ का वडा अध्यक्ष भोलाराज राईले बताएका छन् । घटनास्थलतर्फ प्रहरी टोली खटिएको जिल्ला प्रहरी कार्यालय ओखलढुंगाका सूचना अधिकारी प्रहरी निरीक्षक विजय कार्कीले जानकारी दिएका छन् । एक जनाको मृत्यु भइसकेको र तीन जना घाइते भए पनि थप विवरण आउन बाँकी रहेको उनले बताए । घाइतेहरूको अवस्थाबारे विस्तृत विवरण आउन बाँकी छ ।