कालीका भगवती मन्दिर क्षेत्रमा भित्रिने र बाहिरिने समय तोकियो

भदौ १, सोलुखुम्बु ।  खोटाङको सदरमुकाम नजिकै रहेको कालीका भगवती मन्दिर परिसरमा प्रवेशका लागी समय तोकिएको छ ।  पर्यटकीय र धार्मिक आस्थाको महत्वपूर्ण स्थल कालीका भगवती मन्दिरको परिसर सौन्दर्यीकरण पछि दिक्तेल रुपाकोट मझुवागढीले प्रवेश समय निर्धारण गरेको हो ।

 रातीको समयमा अबेर सम्म आन्तरिक पर्यटकहरू मन्दिर क्षेत्रमा घुम्दा होहल्ला हुनका सार्थ शान्ति सुरक्षाका दृष्टिकोणले समेत असुरक्षित भएकाले नगरपालिकाले सूचना निकालेरै निर्धारित समयभन्दा अघिपछि प्रवेश नगर्न भनेको छ ।  नगरपालिकाले जारी गरेको सूचनामा साँझ ७ बजे पछि प्रवेश मा रोक लगाइएको छ भने प्रवेश गरेको भएपनि ८ बजेभित्र हाडडाँडा स्थित गेटबाट बाहिर निस्किनुपर्ने जनाइएको छ ।

 मन्दिर प्रवेश क्षेत्रमा जडान गरिएका बत्तीहरु समेत राती ९ बजेबाट बन्द गरिने नगर प्रवक्ता दिनेश घिमिरेले बताउनुभयो । रातको समयमा मन्दिर जस्तो पवित्र स्थलमा अनैतिक तथा अभद्र कामहरु हुने गरेको एक स्स्थानीयले बताएका छन् ।  नगरपालिकाले मन्दिर क्षेत्रलाई सौन्दर्यीकरण गर्न जडान गरेको बत्ती, लगायत भौतिक संरचनाहरुको दुरुपयोग भइरहेकोमा लफ्याङक स्थानीयले दावी गरेका थिए  ।