वर्षाले थुलुङमा मच्चायो वितण्डा, सार्वजनिक सम्पत्ति र निजी घरहरूमा क्षति 

भदौ २, सोलुखुम्बु । आइतबार परेको अविरल वर्षातले सोलुखुम्बुको थुलुङ दुधकोशी गाउँपालिकामा वितण्डा मच्चाएको  छ ।  लगातारको वर्षातले गाउँपालिकाका वडा नम्बर ५ मुक्लीका विभिन्न स्थानहरूको सार्वजनिक तथा निजी सम्पत्तिहरूमा क्षती पु¥याएको हो । अविरल वर्षात पछि आएको बाढीले वडा नम्बर ६ का ६ वटा घरमा क्षति पु¥याउनुका साथै गाउँपालिकासँग वडाहरूलाई जोड्ने विभिन्न सडकहरुसमेत क्षतविक्षत बनाएको गाउँपालिका प्रवक्ता भोजराज कार्कीले बताउनुभयो । वर्षात पछि आएको भलबाढी स्थानहरूको घरमा पस्दा घर तथा आवासहरू बस्न लायक नरहेको जनाइएको छ भने मुक्लीको रन्देपु स्वास्थ्य इकाइमा समेत क्षति पुर्याएको कार्कीले बताउनुभयो ।  

मुक्लीका हुतराज बानियाँ, टेकबहादुर कार्की, हरि बस्नेत, कुमार बस्नेत, यम बहादुर बस्नेत र लिला बस्नेतको घरमा बाढी तथा भलले क्षती पु¥याएको हो ।  यस्तै गाउँपालिका भित्र बहने ठाडा खोला तथा खहरे खेतमा पस्दा खेतीयोग्य जमिन तथा धानबाली नष्ट भएको छ ।  बाढीले किसानको धानबालीमा क्षति गरेको गाउँपालिकाले जनाएको छ ।  बाढीले निम्त्याएको अवस्थाको जानकारी लिनका लागी सामेबार गाउँपालिका अध्यक्ष असिम राईको टोली स्थलगत अवलोकनमा पुगेको समेत जनाइएको छ ।

 ९ वटै वडामा बाढी तथा वर्षातबाट भएको क्षतिको अवलोकन मूल्याङ्कनका लागी अध्यक्ष सहितको गाउँपालिकाको टोली कोशी पारि सम्म पुग्ने प्रवक्ता कार्कीको भनाई छ । वर्षात पछि विग्रीएका सडकको पुननिर्माणका लागी गाउँपालिकाले स्काभेटर खटाएर धमाधम काम गरिरहेको स्थानीय कविराज थुलुङले सामाजिक सञ्जालमार्फत जानकारी गराउनुभएको छ । यो वर्षको मनसुनमा गाउँपालिका निकै ठुलो घाटा ब्यहोर्नु परेको उहाँको भनाई छ ।  मनसुनको सुरुवातमै गाउँपालिकाको वडा नम्बर १ को शिखुखोलामा आएको बाढीले एक जनाको ज्यान लियो भने करोडौँ खर्च गरेर निर्माण गरिएका पुल तथा भौतिक संरचनाहरुको हुर्मत लिएको अध्यक्ष राईको भनाई छ ।
ि