सोलुमा ढुंगाले टाउको किचेर नवजात शिशुको हत्या

सोलुखुम्बु, २० जेठ । सोलुखुम्बुमा नवजात शिशु हत्यामा सम्लग्न २ जना पक्राउ परेका छन् । जिल्लाको माप्यदुधकोशी गाउँपालिकामा एक नवजात शिशुको हत्यामा सम्लग्न १ जोडिलाई प्रहरीले पक्राउ गरेको हो । वडा नम्बर १ को जुभिङ रेम्बोधारा स्थित मकैबारिमा ढुंगाले टाउको किचेर नवजात शिशुको हत्या गरेको अवस्थामा शव फेला परे पछि अभियुक्तहरुलाई प्रहरीले पक्राउ गरेको हो । गत बुधकार स्थानीय टम्बर बहादुर राईको मकैबारीमा पुरुष नवजात शिशुको शव फेला परेको हो । स्थानीयको उजुरीको आधारमा खोजतलासमा खटिएको प्रहरी टोलीले बिहिबार नै माप्य दुधकोशी १ जुभिङ बस्ने ४० वर्षीया कुमारी राई र सोही वडाका ४१ वर्षिय सुकमान राईलाई प्रक्राउ गरिएको जिल्ला प्रहरी कार्यालय सोलुुखुम्बुका प्रमुख डिएसपि द्वारिका प्रसाद घिमिरेले जानकारी दिनुभयो ।
अभियुक्तहरुको अबैध सम्बन्धबाट जन्मिएको शिशुको हत्या गरि उनीहरुले नै मकैबारिमा फालेको प्रहरीले पत्रकार सम्मेलन मार्फत जानकारी दिएको छ । कुमारी राई विवाह गरेर पनि एकल रहेको र सुकमान राई पनि विवाहित रहेकोले उनीहरुबिच अनैतिक शारिरिक सम्बन्धबाट उक्त शिशु जन्मिएको हो । अबैध सम्बन्धलाई ढाकछोप गर्न शिशुको हत्या गरेको प्रहरीले जनाएको छ । अभियुक्त हरुलाई जिल्ला अदालत सोलुखुम्बुबाट ५ दिनको म्याद थप गरि हिरासतमा राखेर अनुसन्धान भईरहेको पनि पत्रकार सम्मेलनमा जानकारी गराईएको छ ।
फोटो ः घटनामा सम्लग्न अभियुक्तहरु कुमारी राई र सुकमान राई ।