सोलुखुम्बुमा अटो चलाउदा अनिवार्य दर्ता गर्न अध्यक्ष राईको निर्देशन

जेठ २०, सोलुखुम्बु । सोलुखुम्बुमा अटो चलाउने अटो अनिवार्य दर्ता गरेर मात्र चलाउन सोलुखुम्बु अटो प्रा.लिका अध्यक्ष मौजन राईले निर्देशन दिनुभएको छ । जिल्लामा अटो चालकहरुले दर्ता विना सवारी चलाउने गरेको पाइएकाले अनिवार्य दर्ता गर्न अध्यक्ष राईले निर्देशन दिनुभएको हो ।

आइतबार जिल्लाको सदरमुकाम सल्लेरी स्थित फाप्लु देखि जिरोपोइन्ट सम्म वैधानिक रुपमा अटो संचालन गर्नु पर्ने माग राख्दै प्रदर्शनी समेत गरेका छन् । कतिपय चालकहरुले बिना दर्ता लुकिछिपि अटो संचालन गर्दै आएकाले उनीहरुले कानुन र नियम भित्र रही सवारी संचानल गर्न आग्रह गरिएको छ । “नेपाली युवा विदेशिन्छन् खोज्दै खोज्दै रोजगारी, किन जानु विदेश आफै बनौ स्वरोजगार” भन्ने मुल नाराका साथ प्रदर्शनी गरिएको थियो । जिल्लामा हाल ४० वटा अटोहरु वैधानिक रुपमा संचालन भइरहेका छन् ।

जिल्ला ट्राफिक प्रहरी कार्यालयका प्रमुख एवं प्रहरी निरीक्षक कृष्ण कट्वालले अटो प्रा.लिले गरेको प्रदर्शनी प्रशंसनीय रहेको बताउनुभयो । जिल्लामा अटो चालकलाई वैधानीकतामा ल्याउनको लागि आफुले हर प्रयास गरिरहेको बताउनुभयो । साथै आगामी दिनहरुमा अटो व्यवस्थापनका लागि अटो प्रालिसँग समन्वय गर्दै जाने प्रतिबद्वता व्यक्त गर्नुभयो । दुर्घटना न्यूनिकरण तथा रोक्थाम र ट्राफिक नियम पालना गर्न, गराउन सम्पुर्ण सर्वसाधारण महानुभावहरु, सरोकारवालाहरु निकायहरुलाई समेत अटो प्रा.लिले अनुरोध गरेको छ ।