जनता मावि लाफागाउँमा कविता वाचन प्रतियोगिता हुने

भदौ ५, सोलुखुम्बु । उदयपुरको रौतामाई गाउँपालिका–३ स्थित जनता माध्यमिक विद्यालय, लाफागाउँमा कविता वाचन प्रतियोगिता’ आयोजना हुने भएको छ । विद्यालयका पूर्व व्यवस्थापन समिति अध्यक्ष तथा शिक्षासेवी स्वर्गीय श्यामकर्ण राईको दोस्रो स्मृति दिवसको अवसरमा आयोजित सो प्रतियोगिता शुक्रबार हुने विद्यालयले जानकारी दिएको छ ।

विद्यालयमा अध्ययनरत विद्यार्थीहरूबीच हुने यस कविता वाचन प्रतियोगिता स्व. राईको सम्झनामा उहाँको परिवारद्वारा प्रदान गरिएको आर्थिक सहयोगमा आयोजना गरिएको हो । विद्यालयका प्रधानाध्यापक विमानसिंह खडकाका अनुसार प्रतियोगिताका विजेताहरूलाई आकर्षक नगद पुरस्कार प्रदान गरिनेछ ।

प्रथम पुरस्कार नगद रु ४,१००, द्वितीय पुरस्कार ३,१०० र तृतीय पुरस्कार २,१०० तोकिएको छ । प्रतियोगिताको उद्देश्य विद्यार्थीहरूमा साहित्यिक अभिव्यक्तिको विकास गर्नुका साथै स्व. श्यामकर्ण राईको योगदानको सम्मान गर्नु रहेको विद्यालयले जनाएको छ ।