सोलुखुम्बुमा घाँस काट्न गएकी महिलामाथि भालुको आक्रमण, एक जना घाइते

भदौ ७, सोलुखुम्बु । सोलुखुम्बुको सोलुदुधकुण्ड नगरपालिका–१ टाक्सिन्दु नुनथलामा घाँस काट्न गएकी एक महिला भालुको आक्रमणबाट घाइते भएकी छन्। शनिबार भएको उक्त घटनामा ३२ वर्षीया मनिसा सुनदास घाइते भएकी हुन्। उनी नुनथलाका राम बहादुर सुनदासकी छोरी हुन्। मनिसा कामी शेर्पा बारीमा घाँस काट्ने क्रममा अचानक भालुको आक्रमणमा परेकी थिइन्।

जिल्ला प्रहरी कार्यालय सोलुखुम्बुका प्रहरी निरीक्षक तथा सूचना अधिकारी विकास राईका अनुसार भालुले उनको दाहिने खुट्टाको पिंडौलामा तीन ठाउँमा टोकाएको छ। उनलाई तत्काल उद्धार गरी उपचारका लागि जिल्ला अस्पताल फाप्लुमा भर्ना गरिएको छ।