भदौ ९, सोलुखुम्बु । नक्कली सुनलाई सक्कली सुनको रुपमा देखाएर ठगी गरेको अभियोगमा सोलुखुम्बुका लाक्पा शेर्पा पक्राउ परेका छन् । पक्राउ पर्नेमा जिल्लाको सोलुदुधकुण्ड नगरपालिका–१ टाक्सिन्दुका ३३ वर्षीय लाक्पा शेर्पा हुन् । उनी काठमाडौं महानगरपालिका–२६, गोंगबुस्थित ’क्वालिटी क्याफे’ मा अवैध सुनको किनबेच भइरहेको सूचनाको आधारमा पक्राउ परेका हुन् ।
उपत्यका अपराध अनुसन्धान कार्यालय, टेकुबाट खटिएको प्रहरी टोलीले उनलाई सुनजस्तो देखिने १ किलोग्राम धातुसहित पक्राउ गरेको हो। । प्रारम्भिक अनुसन्धानमा उक्त धातु सुन नभएको पुष्टि भएको छ । प्रहरीका अनुसार, शेर्पाले उक्त नक्कली धातुलाई सुन भन्दै विभिन्न व्यक्तिहरूलाई झुक्याई ठगी गर्ने कार्यमा संलग्न रहेको खुल्न आएको छ । हाल उनलाई थप अनुसन्धान र आवश्यक कारवाहीका लागि जिल्ला प्रहरी परिसर, काठमाडौंमा पठाइएको छ ।
Discussion about this post