लिसाको मुल्याङ्कनमा गाउँपालिका तर्फ लिखुपिके अव्वल

भाद्र ९, सोलुखुम्बु । स्थानीय तह संस्थागत क्षमता मुल्याङ्कनमा सोलुखुम्बको गाउँपालिका तर्फ लिखुपिके गाउँपालिका उत्कृष्ठ बनेको छ । नगरपालिका तर्फ जिल्लाकै एक मात्र नगरपालिका सोलुदुधकुण्ड उत्कृष्ठ बनेको छ भने गाउँपालिका तर्फ लिखुपिके गाउँपालिका उत्कृष्ठ बनेको छ । गाउँपालिकाले ७९ दशमलव ७५ अंक प्राप्त गरेको छ । आर्थिक वर्ष २०८०र८१ को मुल्याङ्कनमा गाउँपालिकाले जिल्लामा दोश्रो स्थान बनाएको हो भने गाउँपालिका तर्फ प्रथम स्थान बनाएको हो ।

शासकीय पद्धति र विकास व्यवस्थापनमा सुधारका क्षेत्र पहिचान गर्ने, आवधिक समीक्षा गर्ने र स्वच्छ प्रतिस्पर्धा प्रवद्र्धन गर्ने उद्देश्यले कार्यान्वयनमा ल्याइएको यस मूल्याङ्कनले स्थानीय सरकारबीच प्रतिस्पर्धात्मक भावना बढाएको छ । लिसा अन्तर्गत शासकीय प्रबन्ध, संगठन तथा प्रशासन, वार्षिक बजेट तथा योजना तर्जुमा, वित्तीय व्यवस्थापन, सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण, विपद् व्यवस्थापन र सहकार्य–समन्वयजस्ता १० सूचकका आधारमा मूल्याङ्कन गरिएको हो । संघीय मामिला मन्त्रालयले २०७७ सालदेखि प्रत्येक आर्थिक वर्षमा स्थानीय तहको स्वमूल्याङ्कन गर्दै आएको छ। लिखुपिके जिल्लामै पहिलो महिला गाउँपालिका अध्यक्ष भएको पालीका समेत हो  ।