सोलुखुम्बुमा कृषकसँग सिकाई आदानप्रदान तथा अनुभव साटासाट

साउन ८, सोलुखुम्बु । कृषि ज्ञान केन्द्र सोलुखुम्बुले कृषकसँग सिकाई आदानप्रदान अन्तरकृया गोष्ठि र बाली तथा पबुपंक्षी विमा सम्बन्धी समन्वय बैठक सम्पन्न गरेको छ । जिल्ला समन्य समिति सोलुखुम्बुका प्रमुख कृष्ण प्रसाद निरालाको प्रमुख आतिथ्यता तथा ज्ञान केन्द्रका प्रमुख दुर्गा तिरुवाको अध्यक्षतामा कार्यक्रम सम्पन्न भएको हो । कार्यक्रममा जिल्लाका ८ वटै पालिकाका स्थानीय तहका कृषकहरुको उपस्थीति रहेको थियो ।

कार्यक्रममा उपस्थीति भएका स्थानीयहरुले आफ्नो कृषि फर्म तथा कृषि व्यवसायमा भोगीरहेका कठिनाई र समस्याहरुका बारेमा जानकारी गराएका थिए । जिल्लाको तल्लो बेल्टमा लगाईने धानबाली, फलफुल लगायतमा रोगकिराको प्रकोपको विषय कार्यक्रममा उठान गरिएको थियो भने माथिल्लो बेल्टमा गरिने स्याउ खेती, किवि खेती लगायतमा हुने समस्याका बारेमा किसानहरुले कुरा राखेका थिए ।

उनिहरुका समस्यालाई कृषि त्रान केन्द्रका प्रमुख तिरुवाले समाधाको उपाय दिँदै ज्ञान केन्द्र तथा स्थानीय सरकारका कृषि मातहत कार्यालयहरुसँग समन्वय गरेर समस्या समाधान गर्न किसानहरुलाई सुझाव व्यक्त गर्नुभएको थियो । कार्यक्रममा जिल्ला समन्वय समिति सोलुखम्बुका प्रमुख कृष्ण प्रसाद निरौलाले किसानहरुले लगाएका फलफुल तथा बालीहरुमा रोग किराको प्रकोप देखीएको विषयलाई गम्भीरता पूर्वक लिएर समाधानको बाटो खोज्न कृषि ज्ञान केन्द्रलाई सुझाव दिनुभयो ।

उहाँले किसानहरुका मार्का तथा समस्या बुझेर सो अनुसारको समाधान दिनु राज्यको दायित्व भएको उल्लेख गर्नुभएको थियो । कार्यक्तममा एनएलजी इन्स्योरेन्सका शाखा प्रवन्धक खगेन्द्र बनले कृषि तथा पशुपंक्षि बीमाको बारेमा जानकारी गराउँदै बिमाका फाइदा र प्रकृयाको बारेमा जानकारी दिनुभएको थियो । कार्यक्रममा पशु तथा बाली विमा गर्दा प्रकृया पु¥याएर गर्दा क्षतीको पुनर्भरण पनि हुने भएकाले पशु तथा बाली विमाले किसानलाई राहत दिएको उल्लेख गर्नुभयो ।