सुटकेसभित्र शव भेटिएकी रुबीको हत्या आरोपी शरीर जलेको अवस्थामा भेटिए

भदौ ११, सोलुखुम्बु । रौतहटमा शनिवार राति बन्द सुटकेसभित्र शव भेटिएकी रुबी शाहको हत्या आरोपी शरीर जलेको अवस्थामा भेटिएका छन् । आरोपी माधव नारायण नगरपालिका–६ बस्ने लक्ष्मण पासवान माधवनारायण नगरपालिका–६ कै बिसुनपुरवा–मानपुर जाने बाटोमा जलेर घाइते भएको अवस्थामा भेटिएका जिल्ला प्रहरी कार्यालय रौतहटले जनाएको छ ।

पासवानलाई प्रहरीले पक्राउ गरी उपचारका लागि गौर अस्पताल पुर्‍याएको छ । माधव नारायण नगरपालिका–२ महादेवपट्टी माइती भएकी २६ वर्षीया शाह एक महिनादेखि माधवपट्टीमा डेरा गरी बस्दै आएको र शनिवार शव सुटकेसमा फेला परेको थियो ।

जलेर घाइते हुनुमा पासवान आफै संलग्न रहेको प्रारम्भिक जानकारीबाट खुलेको र थप अनुसन्धान भइरहेको प्रहरीको भनाइ छ । प्रहरी चौकी माधोपुर र जिल्ला प्रहरी कार्यालयको टोलीले उनलाई तत्काल उद्धार गरेको हो ।