एकै महिनामा आगलागीबाट खोटाङमा १ करोड ३० लाख बढी क्षति

पूर्वी पहाडी जिल्ला खोटाङमा आगलागीबाट १ करोड ३० लाख बढीको क्षति भएको छ । गत एक महिनामा जिल्लाका बिभिन्न ३० स्थानमा भएको आगलागीबाट १ करोड ३० लाख ९० हजार क्षतिको अनुमान गरिएको जिल्ला प्रहरी कार्यालय खोटाङले जनाएको हो । जिल्लामा फाल्गुन महिना देखी चैत्रको हालसम्म भएको आगलागीबाट सामुदायिक बन, मानव बस्ती तथा पशुचौपाया जल्दा उक्त क्षति भएको प्रारम्भीक अनुमान प्रहरीको छ । यस अवधिमा भएको क्षतिको एकिन बिवरण संकलन भइरहेको जिल्ला प्रहरी कार्यालय खोटाङका प्रहरी निरिक्षक बेनु कार्कीले जानकारी दिनुभयो । आजबाट बर्षा सुरु भएपछि भने आगलागी नियन्त्रणमा रहेको समेत उहाँले बताउनुभयो ।