सोलुखुम्बुमा १३४.५० मेट्रिकटन अलैँची उत्पादन

भदौ १८, सोलुखुम्बु । हिमाली जिल्ला सोलुखुम्बुमा गत वर्ष १३४.५० मेट्रिकटन अलैँची उत्पादन भएको छ । आर्थिक वर्ष २०८१/०८२ मा जिल्लाका कृषकहरूले १५८ हेक्टर क्षेत्रफलमा अलँैची लगाएका थिए, जसबाट ३४.५० मेट्रिकटन अलैँची उत्पादन भएको हो ।

जिल्लाका कृषकहरूले वर्षौदेखि बाँझो र अनुपयुक्त भित्तामा पनि अलैँचीखेती गर्दै मुख्य आम्दानीको स्रोतका रूपमा खेति गर्दै आएका छन् । जिल्लाका विभिन्न भिरालो क्षेत्र, पाखा र खोल्सामा पनि अलैँचीको खेती सम्भव भएकोले कृषकहरुले यसतर्फ ध्यान दिन थालेका छन् । जिल्लाका प्रमुख अलैँची उत्पादन क्षेत्रहरुमा लिखुपिके, सोताङ, महाकुलुङ, माप्यदुधकोशी र नेचासल्यान रहेका छन्।

सहायक बागबानी विकास अधिकृत उपेन्द्र ठाकुरका अनुसार, यी क्षेत्रहरुमा अलैँचीको खेती परम्परागत रुपमा हुँदै आएको छ र कृषकहरुले यसलाई मुख्य व्यवसायका रुपमा अपनाएका छन् । यसको परिणामस्वरूप, सोलुखुम्बुमा कृषकहरुले आर्थिक उन्नति र समृद्धि प्राप्त गरेका छन्, र अलैँची खेतीले उनीहरुको जीवनस्तरलाई महत्वपूर्ण हदसम्म सुधार गरेको छ ।