तत्काल अत्यावश्यक वस्तुको अभाव नहुने

भदौ २५, सोलुखुम्बु । तत्काल अत्यावश्यक वस्तुको आपूर्तिमा समस्या नरहेको सम्बन्धित निकायले जनाएका छन् । जेनजीको प्रदर्शनपछि अत्यावश्यक वस्तुको अभाव र महङ्गी बढ्न सक्ने उपभोक्ताको चिन्ता रहे पनि सरोकारवाला निकायले त्यसो अवस्था तत्काल नआउने बताएका हुन् ।

वस्तु आपूर्तिमा खासै असर नपरेको उनीहरुको भनाइ छ । आउँदो तीन महिनासम्मका लागि अत्यावश्यक वस्तुको अभाव नहुने उद्योग, वाणिज्य तथा उपभोक्ता संरक्षण विभागले जनाएको छ । तीन महिनाका लागि पुग्ने दाल, चामल, तेललगायत खाद्ययवस्तु मौज्दात रहेको विभागले जनाएको छ ।

पेट्रोलियम पदार्थको आपूर्तिमा पनि समस्या नरहेको नेपाल आयल निगमले जनाएको छ । केही समय खाना पकाउने ग्यास र पेट्रोलियम पदार्थमा समस्या नआउने निगमको भनाइ छ । गाडी कम चलेका कारण पनि पेट्रोलिएम पदार्थको खपत नै कम भएको अहिलेको अवस्था छ ।