खोटाङमा बलात्कारपछि महिलाको हत्या

भदौ ३१, सोलुखुम्बु । खोटाङमा एक महिलाको बलात्कारपछि हत्या गरिएको छ। दिप्रुङ चुइचुम्मा गाउँपालिका–४ की २७ वर्षीया रस्मिता परियारको सोमबार राति घर नजिकैको बाटोमा शव फेला परेको हो। जिल्ला प्रहरी कार्यालय खोटाङका प्रहरी नायव उपरीक्षक (डीएसपी) प्रकाश बुढाथोकीका अनुसार प्रारम्भिक अनुसन्धानमा रस्मितालाई आपराधिक समूहले बलात्कार गरी हत्या गरेको आशंका गरिएको छ।

प्रहरीले घटनाको विस्तृत अनुसन्धान सुरु गरिसकेको छ भने दोषी पहिचान र कानुनी कारबाहीको प्रक्रिया अघि बढाइएको जानकारी दिएको छ। स्थानीयवासीले घटनाले गाउँमा त्रासको वातावरण सिर्जना गरेको बताएका छन्। साथै, पीडित परिवार र समुदायले न्यायको माग गर्दै दोषीलाई कडा कारबाहीको माग गरेका छन्।