कस्तो छ कोशीमा मनसुनि गतिविधी ? ः पढ्नुस् समाचारमा १४ वटै जिल्लाको अवस्था ..

असोज १८, सोलुखुम्बु । कोशीप्रदेशका १४ वटै जिल्ला हाल सम्म मनसुनजन्य विपदबाट प्रभावित नभएको पाइएको छ ।  रेडियो एभरेष्टको मनसुन विशेष प्रत्यक्ष प्रसारणका क्रममा बोल्दै प्रदेशका ९ वटा जिल्लाका प्रमुख जिल्ला अधिकारीले सबै जिल्लाको अवस्था हाल सम्म अवस्था सामान्य रहेको बताएका हुन । हिमाली जिल्ला सोलुखुम्बुको तेङबोचे, लोबुचे लगायतका हिमाली क्षेत्रमा हिमपात भएको छ भने जनजिवन सामान्य रहेको जनाइएको छ । प्रमुख जिल्ला अधिकारी लिला कुमारी केसी पाण्डेले जिल्लामा हाल सम्म अवस्था सामान्य रहेको, गाडी आवतजावत बन्द गरिएको र पहिल्यै पहिरो गएका ठाउँमा भने पहिरोको जोखिम देखिएको अवस्था रहेको जानकारी गराउनुभएको हो । उहाँले विपद व्यवस्थापन, प्रतिकार्य र सम्भावित घटनाको उद्धार तथा राहतका लागी ३ वटै सुरक्षाका निकायहरूलाई तैनाथ राखिएको उल्लेख गर्नुभयो ।

यस्तै ओखलढुङ्गामा पनि अहिले सम्म ठुलो समस्या नआएको प्रमुख जिल्ला अधिकारी मेख बहादुर मगरातीको भनाई छ ।  राजमार्गहरू केही ठाउँमा अवरुद्ध भएपनि तत्कालका लागी गाडी आवतजावत पुरै बन्द गरिएकाले पहिरो हटाएर यातायात सञ्चालन गर्ने गरि काम अघि बढाइएको उहाँकाे भनाई छ ।

 उता खोटाङ जिल्लामा चट्याङबाट २ जना घाइते भएको जानकारी आएको छ भने अन्य त्यस्तो कुनै क्षति वा समस्या जानकारीमा नआएको प्रमुख जिल्ला अधिकारी कल्पना श्रेष्ठले बताउनुभयो ।  

यस्तै भोजपुर जिल्ला पनि अहिले नियन्त्रणमा छ ।  जिल्लाको नदि तटीय क्षेत्रका नागरिकहरूलाई विशेष प्राथमिकताका साथ सुरक्षाका साथै सचेतनाका कामहरू गरिएको प्रमुख जिल्ला अधिकारी शिवलाल तिवारीको भनाई छ ।

 यस्तै हिमाली जिल्ला सङ्खुवासभाको नाका पुग्ने सडकहरू अवरुद्ध भएको प्रमुख जिल्ला अधिकारी सिर्जना थपलियाले बताउनुभयो । हिमाली क्षेत्रमा पानी परेको कारण नदि तथा खोलाहरूमा पानीको बहाव बढिरहेको भएपनि हाल सम्म ठुलो क्षती भइहालेको स्थीति नरहेको र त्यस्तो कुनै समस्या भए सुरक्षा निकाय तैनाथ राखिएको बताउनुभयो ।  

यता उदयपुर जिल्लालाई पनि पूर्ण रुपमा सुरक्षित रहेको प्रमुख जिल्ला अधिकारी प्रेम प्रसाद लुइटेलले जिकिर गर्नुभयो । पहाडी र भित्री मधेस दुबै भूगोल भएको जिल्ला उदयपुरमा तराई केन्द्रित विपद व्यवस्थापन रणनीति र पहाड केन्द्रित विपद व्यवस्थापन निति बनाएर तैनाथ गरिएको उहाँको भनाई छ ।

 धनकुटा, पाँचथर, इलाम, झापा, तेह्रथुम र सुनसरी अहिले सम्म मनसुनि गतिविधिबाट प्रभावित भइनहालेको त्यहाँँका प्रमुख जिल्ला अधिकारीले बताएका छन् ।  ताप्लेजुङ बाट हिँडेको एउटा गाडी भने दुर्घटना भएको जनाइएको छ ।