इजरायली गुप्तचर निकायले नेपाली बन्धक विपिन जोशीको नयाँ भिडिओ प्राप्त गरेको दाबी, आजै सार्वजनिक गर्ने तयारी

असोज २२, सोलुखुम्बु । इजरायली गुप्तचर निकायले किबुत्ज आलुमिमबाट हमासको अपहरणमा परेका नेपाली विद्यार्थी विपिन जोशीको नयाँ भिडिओ प्राप्त गरेको दावी गरिएको छ।
जेरुसेलम पोस्टका अनुसार भिडिओ बुधवार बेलुकी सार्वजनिक गरिने भनेर बन्धक परिवार फोरमले जनाएको समाचारहरूमा उल्लेख छ। उनलाई किबुत्ज आलुमिमबाट अपहरण गरिएको थियो।

उनको अपहरण पछि केही सातापछि खिचिएको भिडिओबाट लिइएको स्थिर तस्बिर आज सार्वजनिक गरिएको छ। उक्त तस्बिर इजरायली सेनाले उपलब्ध गराएको भिडिओबाट लिइएको हो। ३० सेकेन्ड लामो उक्त भिडिओ क्लिप आज राती १० ः४० बजे सार्वजनिक गरिने द टाइम्स अफ इजरायलले जनाएको छ। जेरुसेलम पोस्टका अनुसार वाल स्ट्रिट जर्नलको नोभेम्बर २०२३ को रिपोर्टमा विपिन जोशीले आफू बसेको आश्रयस्थलमा लुकेकाको ज्यान बचाएका थिए।

दुईटा ग्रेनेड झ्याल नभएको कोठाभित्र छिरेपछि, उनले तीमध्ये एकलाई समातेर बाहिर फ्यालिदिएका थिए। दोस्रो विस्फोट भएको थियो। जसले उनका पाँच साथीलाई गम्भीर घाइते बनाएको रिपोर्टमा उल्लेख छ। समाचार जोशीलाई हमासले अपहरण गरी गाजा लगेको र केही समय शिफा अस्पतालमा राखेका थिए। उनको जीवित अवस्थाको पुष्टि गर्ने प्रमाणहरू धेरै आएका छैनन्। समाचार लेख