आज आँखालाई माया गरौँ नारासहित विश्व दृष्टि दिवस मनाइँदै

असोज २३, सोलुखुम्बु । आँखालाई माया गरौँ’ नारासहित बिहीबार विश्व दृष्टि दिवस मनाइँदैछ। उपचार तथा रोकथाम गर्न सकिने अन्धोपनका समस्या र समाधानबारे विश्वभर चेतना फैलाउने उद्देश्यले विश्वभर यो दिवस मनाइँदैछ।

विश्वभरि करिब ३ करोड ६० हजार मानिसहरू दृष्टिविहीन छन् भने २ अर्ब ४६ करोड हाराहारी मानिसहरू कम दृष्टि या गहिरो प्रकृतिको दृष्टिजन्य समस्याबाट प्रभावित छन्। विश्वभरि नै कूल दृष्टिविहीन जनसङ्ख्याको ९० प्रतिशत बढी जनसङ्ख्या न्यून आयस्रोत भएका र आर्थिक रूपमा विपन्न परिवारमा बस्छन्।

विश्वभरि दृष्टिविहीन जनसङ्ख्यामध्ये बालबालिकाको सङ्ख्या भने १ करोड ९० लाखको हाराहारीमा छ। दृष्टि तथा स्वस्थ दृष्टि र उपचार आजको विश्वका लागि ठूलो चुनौती भएको छ।